(Notícia no análise badak ida iha perspectiva lei nian kona-ba pedidu D. Duarte de Bragança “Liu-Rai Portugal nebe hakarak hetan sidadaun timorense)
Tuir notícia nebe fó sai no publika iha rádio, televizaun no média elektrónika ba dader ohin loron 1 fulan Dezembro tinan 2010, inklui mos notícia nebé iha relasaun ho Timor-leste. Ida ne’e la’ós buat foun ida, só ke buat foun ida mak kona-ba D. Duarte de Bragança nebé hanesan jerasaun liurai português nian, hato’o pedido ba Presidente da Repúblika Timor-Leste, Dr. José Manuel Ramos Horta, atu hetan nacionalidade timorense. Iha interevista ida ho jornalita ida hosi agencia lusa nian iha nia hela fatin ohin dader, ho ocajiaun ba restaurasaun independência Portugal nian nebé comemora loron ohin, “Liurai” D. Duarte dehan katak nia hakarak tebes atu hetan nacionalidade ka sai hanesan sidadaun Timor oan “Gostaria de ter a nacionalidade timorense” ho rajaun tanba família real Bragança iha relasaun nebé klean ho Timor, «relação profundas com Timor-Leste», nia realsa liu tan katak iha relasaun kelan, esperitual, hosi povo Timor-leste ho Portugal, «as relações profundas, espirituais, do povo timorense com Portugal». Tuir interevista ne’e, liu-rai ne’e hatutan tan katak, uma Bragança no bandeira monarquia Bragança sai hanesan símbolo ida ba nasaun Timor-leste em relasaun ho historia liurai Timor nian iha passado. Nia texto orijinal sorin nebe interesante mak hanesan tuir mai ne’e. “(…) a Casa de Bragança e a bandeira monárquica são símbolos de «grande significado» para a nação timorense, que tem por isso uma relação especial com o herdeiro da última dinastia portuguesa. «Eu sou o liurai de Portugal», acrescentou Duarte de Bragança, aludindo à figura dos chefes dos reinos da parte oriental da ilha na tradição timorense.” Tanba ne’e nia salienta tan katak, nia parte halo ona pedido liu hosi kominikadu ida nebé nia parte hato ba Chefe de estado Timor-leste, Dr. José Ramos Horta (…) a Casa Real já encetou os contactos para a obtenção da dupla nacionalidade, portuguesa e timorense, através de um pedido comunicado ao Presidente José Ramos-Horta.
Pergunta; Será que Ele poderia ter esse direito? Bele ka D. Duarte de Bragança ne’e hetan direito ba nacionalidade timorense?
Iha perspectiva ita nia lei inan, hateten iha artigo 3º no. 1 katak iha ita nia rain, iha nacionalidade nanis ka orijem, ema nebé moris ka ran fakar duni iha Timor ou iha ligasaun ran nebé liga direitamente ho Timor-oan i iha nacionalidade husun ka adquirida, mak ema nebé la iha ligasaun ran direitamente ho Timor ka bele dehan la moris ka nia ran la fakar iha Timor, maibé hakarak sai Timor oan. Iha kazo daruak ne’e hanesan hateten iha numero 4 artigo ne’e nian katak, lei-oan (decreto-lei) mak sei regula kona ba oinsa mak bele hetan ka adquire nacionalidade Timor-oan nian. Maibé lei oan ka decreto lei no 1/2004 de 04 de Fevereiro dehan katak só bele hetan nacionalidade ho razaun hirak mak hanesan, salvo erro, 1). Ema estranjeiro nebé hela iha território Timor nian, 2). Liu hosi adopsaun, katak ema nebé adopta ne’e iha prova katak nia Timor-oan duni, 3). Liu hosi kasamento ho ema Timor oan rasik, 4). Inan ou aman ou avon ema Timor-oan maibé moris iha nasaun seluk, 5). Gerasaun hosi Timor-oan ka bei-oan balun nebé reconhese katak nia avon ema Timor maibé nia agora dadaun hela iha estranjeiro. Iha parte ida ne’e, precisa hatene katak ema nebé atu hetan nacionalidade Timor-oan tenki preenche critérios hirak temi dadaun iha leten ne’e. Então, será ke liu-rai oan ne’e bele hetan nacionalidade Timor-oan? Ou ka bele hetan tanba motivo politico hanesan D Duarte hateten iha nia interevista ho agencia lusa ne’e?
Portanto, competência atu tarata nacionalidade ema nian ne’e iha ministério da justiça nia liman tuir principio de separação de poderes nebé konsagra iha art. 69º konstituisaun da Repúblika demokrátika Timor-leste. Iha ne’e, se karik, Prsidente intervem ou hola desizaun atu atua iha ministério da justiça nia knar, maka sei resulta buat ida ema dehan naran “usurpação de poderes”. Iha usurpação de poderes resulta tanba “falta de atribuição de poderes. Falta de atribuição tanba entre Presidente da Repúblika ho ministério da justiça La iha ligasaun hirarquica maibé sira nain rua hanesan oragauns nebé ketak-ketak no executa nia atribuição ketak-ketak. Entaun, iha usurpasaun ne’e resulta “incompetência absoluta” nebé nia sansaun tuir lei administrativa portuguesa (CPA) karik, ema dehan akto ne nulo. Entaun quando akto ida ema dehan nula iha perspectiva jurídica nian, akto ne’e la produz efeito juridiko. Iha neé, D Duarte bele k labele hetan nacionalidade timoense? Iha nia (D Duarte) argumento nebé nia hasai iha interevista foin lalais (loron ohin dia 1 de Dezembro loron restaurasaun da independência portugal) ne’e, dehan katak nia hakarak hetan nacionalidade timorense ho razaun sira nebé hatun ona iha paragrafo uluk ba, katak laiha ligasaun ho kiriterios nebé mak hetan iha lei Timor nian. Além de ne’e, hosi parte chefe de estado nian, impossível que Nia bele atua iha ministério da justiça nia fatin. Anota mos katak, iha art. Iha art. 77.º no. 3 nian kona ba juramento PR (Presidente da Republika ) nian, nia dehan katak Jura ba Maromak no ba povo katak “ (…) halo tuir no haruka halo tuir lei-inan no lei-oan sira (…)”, ne’e katak nia labele viola lei nebé iha, Nia (PR) obrigado kumpri lei nebé vigora iha ita nia rai. Ho nune’e baze polítika la sai kritério atu hetan sidadaun ka sai nudar ema Timor-oan, maibé tenki hetan base legal nebe lei atribui. A não ser que tanba “abuso de poder” (iha ne’e abuso de poder em sentido restrito katak interesse ba “naran”), tanba Sr. PR iha poder entaun nia bele fó gratuitamente nacionalidade ba ema nebe la preenche kriteria lei nian. Maibé se nune karik, ema sei dehan Timor-Leste La’ós ema ida nian, nem Sr. PR nian, mas povo Timor tomak, sem hases ema ida. Karik mosu nune’e maka, hatudu katak, ita ses dok ona hosi linha principio de estado de direito democrático (art. 1.º da CRDTL), principio de separação de poderes (art. 69.º da CRDTL) e juramento nebe consagra hela iha art. 77.º no. 3 konstituisaun repúblika Demokrátika Timor-Leste nian.
Em conclusaun, ita moris iha estado de Direito democrático, katak vida estado nian tenki lao tuir lei, iha ne’e tuir perspectiva Prof. Gomes Canotilho nian katak, o primado de Direito constitucional na ordem interna. Ema hotu tenki kumpre lei nebé vigora ona, tanba lei representa vontade ema hotu nian. Representa vontade ema hotu nian tanba legislador L’ós monu deit hosi loron leten tun mai, maibé povo mak hili, hanesan dehan iha art. 1º CRDTL nian.
Hakerek nain:
Paresma De Aquinho
Estudante Universitário, Braga-Portugal.
Sem comentários:
Enviar um comentário
Muito obrigado