Pesquisar neste blogue

SOBRE MIM / ABOUT MY SELF / TENTANG DIRI SAYA / KONA-BA HA'U AN.

A minha foto
Díli, Díli, Timor-Leste
Olá..., Sou Paulo S. Martins, de Ainaro, sou eis seminarista do Seminário Maior de São Pedro e São Paulo Fatumeta, Díli, Timor-Leste (Eis Frater), licenciado em Direito pela Escola de Direito da Universidade do Minho, Braga-Portugal e sou mestre em Direito Tributária pela mesma escola. Atualmente sou jurista e assessor legal num instituto público em Díli. Ora, esta página criei em 2010 com intuito partilhar pouco conhecimento que eu tenho ao público em geral e aos que têm sempre sede de ciências e informações. Os conhecimentos e as informações que opto por publicar aqui sempre estão relacionados com direito, cultura, família e poemas. Aqui vai a minha página. Portanto, agradeço imenso pelos comentários e sugestões dados para melhorar esta página. Um grande abraço. Paulo Martins

sexta-feira, 24 de setembro de 2010

TIMOR OAN Y LIAN TETUM. (Resposta ida ba Maluk hotu nebé dehan katak "Tetum ne'e kiak")

         Opiniaun público nebé namkari iha  ita nia realidade lor-loron kona ba ita nia lian Tetum mak "Ita Nia lian Tetum, lian nebé kiak iha aspecto hotu-hotu, iha vocabulário no nia regras sira (Uma Língua pobre, pobre em todos aspectos)". Espresaun katak "Lian Tetum ne kiak" dala wain ona mak ita rona hosi ema sira nebe ema hatene katak matenek no lider ou bele dehan matenek nain timor oan sira. Ora, hosi ne'e ha'u lori belun sira ba hanoin lolo'os expresaun ohin ne'e atu ita  bele loke matan i loke tilun ba ita nia an rasik, hanesan ema dehan " halo auto-avaliação" ou introspeksi an ba problema ida ne. Hosi ne'e ha'u hamosu hipótese ida katak;


" Lian Tetum lian nebe furak, riku no identidade povo timor nian. Lian ne dehan katak kiak tanba deit matenek nain  sira mak kiak no beik ou inkapaz atu desenvolve nia identidade rasik".


       Hori hun kedan, lian (Tetum) ka Bahasa (Lian Indonesia) langguage (lian Inglês), língua (Lian Português) Glóssa (lian grego) sai hanesan instrumentu ida nebé ema uza atu komunika iha relasaun entre ema ida ho ema seluk iha komunidade ida nia laran. Lian ne'e mos sai hanesan património kultural y identidade povo ida nian. Tanba ne'e lian nia papel importante tebes ba ema nia moris. Iha história hatudu katak lian nunka mosu mai perfeita kedan ho nia a'an, maibé ho kapasidade no intelektual ema nian, bele hariku liu tan lian ida ba interesse ema nian. Exemplo ita bele hare hosi Lian indonesia. Lian indonesia ne'e mai hosi lian sansekerta, malayu, lian grega. Hanesan "saya", mai hosi sahaya katak hamba (linguagem nebe humilde ka hatudu ema nia haraik an iha ema seluk nia oin, iha Tetum karik ita bele dehan ata-oan). Iha história lian português mos hanesan. Ema dehan lian Português riku tanba português sira uza sira nia matenek hodi hariku sira nia lian iha aspecto oi-oin deit, iha nia regras, vocabulários no nia tempo sira. Hanesan hateten iha nia história, historiador balun dehan katak lian português ne lian nebe kiak (Uma língua mal falada na peninsula Ibérica, sobretudo, no Gália porque a língua portuguesa surgiu e desenvolveu no galaico, mas foi influenciada pela língua romana, neste caso língua Latina, na altura império Romano alargou o seu império para Península Ibérica), nebé la kompletu y koalia iha peninsula iberika liu-liu iha Gália. Ita hare lia-fuan barak liu mak sira adopta hosi lian Latina, Grega no Árabe. Exemplo hosi lian Latina mak hanesan labora katak servisu (estudante pós-laboral) nia orijen ne mai hosi Latin verbo Laborare katak servisu. Discípulo katak aluno mai hosi latin katak Discipulus-discipuli katak aluno. Orar katak harohan ka reza, ne'e mai hosi Latina verbo  Orare katak reza ka harohan. Abóbora - mai hosi Latim apoperes;  Ida nebé mai hosi árabe mak hanesan algodão (Árabe katak Alkutun) tanba tuir lolós ne Portuges sira la konhese algodaun maibé tanba Árabe sira lori algodaun tama ba peninsula ibérika entaun sira konhese no hatene objecto algodaun ne ho nia naran nebé árabe sira lori tama mai liu hosi Maroko. Lia-fuan seluk mak hanesan : Açúcar (Árabe = assukar mai hosi Sânscrito çarkara, katak grãos de areia ka ita dehan raihenek musan), Laranja  (laranja mai hosi Persa naräng), Prisão (prasioner).  Lian portugues barak mos adopta hosi lian Grega, exemplo Logica, anemia, amnesia, ánimo, alfabeto, algebra, academia, terapia, hermenêutica, etc.

     Lian nebé antigo ka kleur liu iha mundo, tuir história ema nian (História da humanidade) mak lian Grega, Só lian ne deit, tuir historiador sira grego nian (Sira mak fo sai uluk sira nia matenek ba mundo) no historiador iha mundo tomak dehan katak so ema gregos sira mak hahu inventa uluk sira nia sinal no lia-fuan ka vokabulario (tinan 1000 molok kristo) nebe seidauk existe iha sira nia lian antiga nebe bolu naran "língua helénica" no kada sinal ou letra ida-idak iha nia son. Maibé, hosi ne'e hatuduk katak lian grego nebé antigo, hosi nia fó sai matenek no hanoin barak, liu-liu filosofia, politika, siencia exacta sira ba mundo, ne'e mos la mosu mai perfeita kedan, maibe dala ida tan, tanba ho ema nia kapasidade no matenek ema desenvolve no hariku liu tan ema nia lian ne'e. Hosi ne'e ita hateten katak lian ne mosu hosi ema ba ema nia interesse no ema desenvolve atu sai diak liu tan ba interese oi-oin nebé ema iha.

      Lingua Chinesa; Lingua Chinesa hakerek ho nia alfabeto nebe diferente dok liu ho alfabeto latina nebe orasne ita uza. Ita bele dehan katak lian ida ne'e susar atu hetan influencia hosi lingua seluk, maibé iha realidade akadémika nia maneira hakerak no lê mak la hanesan maibé nia konseitu ka linguajen akdemika sempre hetan influencia hosi lian barak hanesan lian Latina no Grega. Logika ne hanesan ne'e; Maioria matenek nain sira sai hosi Gregos, Latinos, árabes, ingleses, judeus no seluk-seluk tan, ho ida ne hatudu katak lingua Chinesa mos hetan influencia barak hosi liangua seluk. Maibé kona-ba sinal e son, China mos matenek para halo sira nia son no sinal rasik hanesan mos ema grego, Árabe no Aramaiko sira.  
     Iha prossesu ida ne hatudu katak ema nia matenek no kapasidade bele muda buat ruma nebe la dun diak sai ba diak y hatudu ba komunidade seluk katak ema ne matenek no nia patrimonia kultural no identidade rasik ne desenvolve ho rasio ema nian nebe diak atu konserva y laós conserva deit maibé kontinua hariku ba Futuro.

Agora, hosi realidade sira nebé ita haré ona iha leten ne'e, oinsa ho ita nia lian Tetum? Será ke ita sei dehan no defende nafatin katak ita nia lian Tetum ne kiak iha aspectos hotu-hotu? Ka oinsa?
   
           Iha realidade Timor nian, ita iha dialectos barak além de Tetum Prasa no Tetum Terik. Iha sorin seluk ita mos hetan influensia barak hosi lain estranjeiro mak hanesan lian Indonésia, Inglesa, Latina, Grega, no Português. Lian sira ne ita bele foti nia vocabulário barak para atu hariku ita nia Tetum. Iha parte ida, ba linguajen vulgar ka lian lor-loron nian, ita hanoin se diak liutan, vokabulário nebé ita laiha ita bele halo transplantasaun ka adopsaun hosi ita nia dialectus sira nebe mak iha para halo kompletu liu tan. Porexemplo hosi foti balun hosi lian Mambae ka Fataluku no seluk-seluk tan para atu hariku no halo kompletu liu tan ita nia Tetum. Iha parte seluk, ba linguajen akademika ita hanoin katak diak liu "tetunaliza" (halo sai tetum) konseitos sira nebe hosi Português, latina no grega ne ba Tetum ho regras Tetum nian nebé ríjido, ou, ita dehan halo transplantasaun ka adopsaun ba Tetum ka ho linguajen nebé ita inventa katak "tetunaliza" ba ita nia lian. Maske dalawain iha vida praátka buat hanesan ne halo ita konfusaun. Maibé ita presiza atu fó passo ida ba oin, ou, hahú netik ho "ponto de partida ruma" ka hahú netik hosi rohan ruma. Iha realidade, ita iha timor matenek barak maske nia quantidade seidauk bele dehan ho logika matematika katak barak. Maibé, ita bele halo buat ruma. La'ós ita tur to toba dukur deit, depois hader ka hakfodak mai ema sei lain seluk ba ita estuda, hatene, no koalia y ita fila dehan deit katak Tetum ne kiak, laiha vokabulário. Sim, estuda no hatene lian estangeiro ne'e diak y iha vantajen nebé bot liu hanesan; bele konhese ema nia lian, hatene ema nia kultura. Maibé, tuir lo-lo'os ne'e estuda no hatene para ita bele hariku liu tan ita nia lian. Laós estuda no hatene hotu pois buat nebé ita hatene ita la usa para hariku ita nian maibe hosik buat ne sofre moras ida nebe ema bele dehan tetraplégiko ka hosik nia maten iha fatin nem sofre movimento ida. Katak matenek nebé ita hetan estátika liu iha ita nia a'an la sofre mudansa significaiva ida y nem sofre evolusaun construtiva ruma ida. 

     Hosi ne, ita bele dada konklusaun ida katak lian Tetum la'ós kiak maibé ita nia matenek nain sira mak kiak. Katak, maske iha matenek barak ona hanesan ohin temi iha leten maibé seidauk matan nakloke, sei bilan hela iha fatin. Estuda sai matenek hotu tia fila dehan fali nia Tetum mak kiak. Iya... Kiak tanba ita mak kiak, ita mak beik (Beik ne liafuan la diak ou kasar maibé diak liu ita uza ne'e para ita hatene a'an ba). Sim, lojikamente ema beik mak buka eskola para matenek la'ós matenek mak buka eskola fali. Tanba beik ne'e, ema buka estuda ba sai matenek hosi nia experiênsia rasik (Hanesan John Lock dehan; Estuda hosi experiência ou aprende hosi buat nebé nia hare rasik ho nia matan). Se ita matenek karik, ita sei la dehan ita nia Tetum ne kiak maibé ita sei iha konsiensia atu desenvolve ita nia lian ne sai diak liu tan. Maibé iha realidade hatudu katak ita nia konsciensia delek tia, hanoin lakon tia konaba atu desenvolve ita nia lian Tetum. Ita hare deit katak Instituto de Linguistika timor nian sei fraku, maibe koko desenvolve ona lian Tetum, ho nune'e ita presiza enkoraza sira, fo suporta ba sira atu promove no desenvolve ita nia Lian doben ida ne'e. Ita hare deit katak, ema seluk sei bele iha hanoin para mai desenvolve lian Tetum nebé la'os ni-nian rasik, exemplo Sr Geofry Hull (Desculpa karik ha'u hakarek naran ne 'e sala). Oinsa mak ita ema timor oan rasik, ran timor rasik la koi sentimento patriotismo no nasionalismo atu promove nia lian. Tanba wainhira ita dehan katak ita nia lian ne kiak, otomátikamente ita viola valor no dignidade da língua ita nian rasik ou ita bele dehan katak sai traidor ba ita nia an rasik. Iha Lian indonesia karik ema dehan "kacang lupa kulit". Tanba ne'e, diak liu ita fó kontribuiaun, maske la barak liu, para atu desenvolve ita nia lian Tetum liu hosi hanorin iha eskola, koalia tuir nia regra nebé iha ona, aplika vokabulário nebé iha ona no lao tuir nia regra. Além de ne'e, hosi parte governo mos tenki buka mekanismo diak ida para atu bele valoriza y promove diak liu tan ita nia Lian Tetum atu sai diak liu tan. Maske ohin loron ita hatene ona katak Lian Tetum hahú hanorin ona iha eskola sira. Maibé, sei iha falta barak, porexemplo, falta livros Tetum, Dicionário nebe ohin loron iha (hosi Sr. Geofry Hull no Luis Costa nian) seidauk suficiente atu promove lian tetum, iha pontuário no regras y gramáticas ona, maibé seidauk sufisiente. Maibé ita presiza aplausa mós ba exforso hira ne'e, tanba komesa hahú ona passo ida ba oin. Lalikan rona ema sira nebé gosta tur, toba no mehi a'at pois hader mai dehan Tetum ne'e kiak lós, tanba sa mak la uza lian seluk. Sujeitos sira nebé hasai esteitmentu kona ba Tetum kiak ne'e, ita bele dehan katak ema nebé laiha espiritu patriotismo y ema traidor. Rasaun tanba, ita moris iha Timor, Tetum mak liga ita nia komunikasaun wainhira ita hasoru belun sira hosi dialectu seluk. Iha ne'e Tetum sai ona ou hanesan iha Lian Indonesia katak "sudah berdarah daging" ho ita. ho nune'e, wainhira ita dehan Tetum kiak katak indireitamente ita mak hateten an katak "sujeito nebé mak hasai lia-fuan ne'e mak kiak duni, fa'ak duni, beik ten, konsiensia maten, la iha sensibilidade atu desenvolve netik nia lian nebé hanesan nia riku ka identidade iha povo ka nasaun seluk nia matan.



Referência:


           Artigo ne'e, ha'u hakerek para atu fó resposta deit ba maluk sira nebé gosta dehan Tetum Kiak.
Hakerek nain eskola iha Braga-Portugal.

                                                                        Braga, 25 de Setembro de 2010.


                                                                            Paresma D'aquino
                                                                  E-mail: paresma06@yahoo.com
Publicada por à(s)

Sem comentários:

Enviar um comentário

Muito obrigado

Subscrever: Enviar feedback (Atom)

GENTE DE TIMOR (Obra Original do Paulo S. Martins)

Da ilha verde, da forma de crocodilo.
Da verdura montanhosa e da alma lutadora.
De um sangue humilhado mas não ser humilhada.


Da brisa da frescura e do aroma da verdura,
Do rio pedroso e das rasas espinhosas,
das cores arco-íris e das flores da natureza.


Ó gente de Timor...!
Das praias bonitas e das ondas manhosas,
das águas quentinhas e das bocas sorridentes.


Do coração da pomba e pele da cobra,
dos olhos da águia e pés dos crocodilos.
das mãos do campo dos pés do viagante.


Ó gente,
minha gente
gente de Timor...!
mostrai a boca e lavai os olhos,
treinai as asas e voai mais alto,
treinai os pés e chegai mais longe.


Uma Lisan Diurpu,

Uma Lisan Diurpu,
Uma lisan Diurpu, hanesan uma lisan eh Uma Knua eh Uma Lulik ka ho lian português "Casa Sagrada" timor nian ne'ebé mos sai hanesan Uma Lulik ne'ebé importante iha Knua Ria-ailau, Ainaro-Manutaci. Uma Lulik ne'e besik ba Ramelau hun. Uma ne'e agora nia gerasaun ladun barak, maibé komesa buras fali ona ba oin ho prezensa foin sa'e sira ne'ebé foin moris iha tinan 1990 mai leten. Agora dadaun Sr.António mak hola fatin eh substitui fali Sr. Augusto ne'ebé uluk nudar bali nain ba Uma Lulik ne'e nia fatin para bali uma ne'e. Uma Diurpu lokaliza iha Distritu Ainaro, Subdistritu Ainaro, Suco Manutaci no Aldeia IV. Nia fatin uluk besik malu ho uma Lisan Mantilu ne'ebé uluk iha Mupelotui no Maupelohata. Maibe agora sai ona mai iha buat mos ka fatin foun principalmente iha tempo katuas Augosto nian. Ita hare iha imagem ne'e, iha uma ne'e nia kotuk ida kalohan taka ne'e mak foho Ramelau ka Tatamailau. Hori uluk iha okupasaun Portuguesa no Ocupasaun Indonésia nian iha Timor, Uma Diurpu seidauk hetan Sunu ka amesa hosi Ahi. Tanba tuir história beiala sira nian, uma ida ne'e ahi nunka bela han, ka ahi la han. Tuir lian nain no katuas sira nebe hare ho matan, katak iha tempo kolonial português nian iha Timor, uma Mantilu nebe momentu neba hari besik kedan uma Diurpu (Uma tatis sei ba malu) ne'e ahi han tia iha kalan ida, nebe tuir lolos uma Diurpu ne'e mos ahi tenki han hotu, nia logika nune, tanba uma rua ne'e rabat malu kedan. Maibe katuas sira haktuir dehan, sa mak akontese iha momentu neba mak, manu makikit mean (manu lokmea ) ba tur iha uma Diurpu nia kakuluk ne'e i kuando ahi lakan ne'e baku ba uma Diurpu nia leten, manu makikit ne'e loke liras dala ida, ahi lakan baku fali ba parte seluk. Ho nune'e ahi han uma Mantilu ne'e to romata, maibe uma Diurpu ne'e ahi la han. I manu makikit ne'e tur iha uma ne'e nia kakuluk to ahi lakan hotu ka mate. Iha kolonial indonésia nian, ahi nunka han uma ne'e. Milisia sira tama to'o iha bairro neba i sunu uma Builiuh nebe iha kraik mai maibe la sunu uma Diurpu, milisia sira liu kona dalan ninin deit i neon la kona ka la hanoin at ba Uma ne'e. Além de ne'e, katuas assasinio ka oho dor no katuas seluk nebe ema iha suku laran konsidera katak lia-nain iha suko ne'e fo sasin katak uma Diurpu ne'e iha nia karakter da unika i ema ne'ebé hanoin a'at nunka bele hakat to'o uma ne'e nia sorin, tanba sei la hetan dalan atu tama ba uma ne'e. Iha tempo indonésia nian, iha momento nebé ami hotu sei kik, kuando kalan ka loron mak bapa sira atu tama ba ou falintil sira lao besik iha uma ne'e, ita iha uma laran hatene kedan ona tanba iha manu (ho froma manu fuik hanesan andorinha bot) ida nebe'e hanesan manu makikit kik ne'e semo haleu uma laran ne'e i fó alerta ba ita. Iha ne'e ita nebe toba iha uma laran sei la dukur tanba manu ne'e nia liras sempre baku ita no baku buat kroat nebe ita iha. Uma ne'e uluk iha Maupelohata hansa dehan tia ona. Sai fali mai iha nia fatin foun, hari'i desde 1976 no'o troka lolos iha 1998. Hafoin ta'a fali ai foun no prepara material foun pois hari'i fali iha 1998 to agora 2014. Nia kondisaun diak nafatin hansa ita hare iha retrato ne'e, nia varanda luan liu uluk nian. No Nia sempre nakloke ba ema hotu nebe hakarak ba visita Nia. By Paulo S. Martins (qno.tls@gmail.com)