Pesquisar neste blogue

SOBRE MIM / ABOUT MY SELF / TENTANG DIRI SAYA / KONA-BA HA'U AN.

A minha foto
Díli, Díli, Timor-Leste
Olá..., Sou Paulo S. Martins, de Ainaro, sou eis seminarista do Seminário Maior de São Pedro e São Paulo Fatumeta, Díli, Timor-Leste (Eis Frater), licenciado em Direito pela Escola de Direito da Universidade do Minho, Braga-Portugal e sou mestre em Direito Tributária pela mesma escola. Atualmente sou jurista e assessor legal num instituto público em Díli. Ora, esta página criei em 2010 com intuito partilhar pouco conhecimento que eu tenho ao público em geral e aos que têm sempre sede de ciências e informações. Os conhecimentos e as informações que opto por publicar aqui sempre estão relacionados com direito, cultura, família e poemas. Aqui vai a minha página. Portanto, agradeço imenso pelos comentários e sugestões dados para melhorar esta página. Um grande abraço. Paulo Martins

sábado, 3 de agosto de 2019

ITA NE’E SE?

-->
ITA NE’E SE?

(Reflesaun fiar-nian)
Braga, Sábado, 03, agosto, 2019


Hanesan Testamentu Tuan iha libru Jenesis haktuir mai ita katak Nai Maromak halo ita ema – feto ho mane, mai husi rai (tahú).
Tan ne’e, rai hanesan matéria ne’ebé Nai Maromak foti hodi halo ita ema moris. Nune’e ita nia isin nia matéria mak rai ho nune loron ida nia fila duni ba rai.
Maibé ita nia klamar mai husi Nai Maromak rasik. La hanesan ho kriatura seluk. Ita hetan fatin kmook iha Maromak Nia futar oin. Primeiru tanba ita nia-an ne apresenta loloos imajen Maromak Nian. Segundu, ita simu is (klamar) mai liu kedan husi Nai Maromak.
Maromak la kria ita nia klamar, maibé Nai Maromak fó mai ita klamar ida ne’ebé mai rasik husi Nai Maromak Nia is. Is ne’ebé Nia hú tama ba isin nebeé halo mai husi rai.
Tan ne’e, isin mai husi rai nebé nudar obra prima Maromak nian, maibé klamar mai rasik husi Nia ida ne’ebé halo ita nia moris. No loron ida, wainhira isin ho klamar fahe-malu liu husi dalan mate, labele tauk, tanba ita nia klamar fila fali ba Maromak.
Klamar ne’e la mate, nia rohan la’ek. Tanba nia laos halo husi matéria ruma. Nia mak ida ne’bé Nai Maromak hú husi Nia ibun ba ita.
Maske ita hafoer ona ita nia klamar ho sala original liu husi la hakruk ba Nai Maromak Nia ordem. La hakruk hahú kedan husi tempu Adaun no Eva nian.
Laós ne’e deit, ita hafoer mos ita nia klamar husi ita nia hahalok ne’ebé hatudu husi Kaín ho Abel. Iha ne’ebé Kaín oho Abel. Maibé sala ida ne’e kasu tiha ona ho Jesus Nia sakrifísiu, terus, ran-fakar no mate iha Kruz.
Tan ne’e, ita ema hetan bensaun especial husi Maromak. No ida ne’e halo ita la hanesan ho buat moris sira seluk. Bensaun ne’e haksumik iha ita tanba ita mak ilas loloos Maromak Nian. Ida ne’e sinal katak ita ne’e buat moris ne’ebé iha pozisaun especial tebes iha Maromak Nia oin.
Bensaun ne’e mos haksumik-an iha is eh klamar ne’ebé Nai Maromak rasik hu tama iha ita nia isin. Hatudu momoos katak ita moris laos hanesan buat moris sira seluk. Ita simu is mai liu kedan husi Maromak. Is nebé halo ita moris ne’e is Maromak Nian. Ho nune’e, is nebé iha ita nia isin halo ita parte ida husi Nai Maromak rasik. Husi is ne’e ita hetan forsa no hetan buat hotu. Husi is ne’e ita sai kriatura ne’ebé sai parte especial husi Maromak. Tan ne’e, ita iha forsa mai liu husi Maromak, no forsa ne’e ita bele uza hodi halo diak ba ita nia maluk. Tanba ita nia maluk sira hetan forsa hanesan mos ita-an rasik.
Bensaun ne’e mos haksumik na husi Jesus ne’ebé mai soi ita. Tan ne’e, Jesus dehan liu husi Biblia Testamentu Foun katak ema sira ne’ebé rona Hau, sira ne’e mak Hau nia maun alin.
Los duni, maun alin mak ema ne’ebé rona malu, ema ne’ebé mai husi inan-aman ida. Ita ho Jesus sai maun-alin wainhira ita halo tuir Nia, ita halo tuir Aman Maromak nia hakarak tanba ita mos mai husi Maromak.  
Ita ne’ebé rona Jesus nia lia-fuan no moris tuir, ita ne’e Jesus Nia maun-alin. Laos ne’e deit, tanba ita mós simu is mai husi Maromak.
Ho nune’e, Jesus sai ita nia Maun-Bot nebé lori ita fila ba Aman-Maromak.
Husi is ne’ebé ita simu husi Nai Maromak, ita hetan forsa bot ida, grasa ka bensaun ka kbiit bot ida husi Maromak. Forsa ne’ebé Maromak fó mai ita atu ita bele ukun buat moris hotu-hotu iha rai, iha loron-leten no iha be-laran. Wainhira ita nia forsa la too, ita husu ita nia Maun-Bot Jesus atu haforsa liu-tan ita nia forsa hodi nune’e ita bele hasoru tentasaun hotu.
Ho nune’e, ita nia forsa mai husi Maromak. Wainhira ita hasoru susar ruma ita bele hasoru ho ita nia forsa, wainhira la too, ita husu Nai Maromak liu husi Jesus Nia naran atu haforsa ita, halo kompletu ita nia forsa. Ho nune’e, ita la mesak, maibé ita hamutuk ho Maromak no ho Maromak mak buat ida la kuran.

Publicada por à(s) Sem comentários:
Etiquetas:
Subscrever: Mensagens (Atom)

GENTE DE TIMOR (Obra Original do Paulo S. Martins)

Da ilha verde, da forma de crocodilo.
Da verdura montanhosa e da alma lutadora.
De um sangue humilhado mas não ser humilhada.


Da brisa da frescura e do aroma da verdura,
Do rio pedroso e das rasas espinhosas,
das cores arco-íris e das flores da natureza.


Ó gente de Timor...!
Das praias bonitas e das ondas manhosas,
das águas quentinhas e das bocas sorridentes.


Do coração da pomba e pele da cobra,
dos olhos da águia e pés dos crocodilos.
das mãos do campo dos pés do viagante.


Ó gente,
minha gente
gente de Timor...!
mostrai a boca e lavai os olhos,
treinai as asas e voai mais alto,
treinai os pés e chegai mais longe.


Uma Lisan Diurpu,

Uma Lisan Diurpu,
Uma lisan Diurpu, hanesan uma lisan eh Uma Knua eh Uma Lulik ka ho lian português "Casa Sagrada" timor nian ne'ebé mos sai hanesan Uma Lulik ne'ebé importante iha Knua Ria-ailau, Ainaro-Manutaci. Uma Lulik ne'e besik ba Ramelau hun. Uma ne'e agora nia gerasaun ladun barak, maibé komesa buras fali ona ba oin ho prezensa foin sa'e sira ne'ebé foin moris iha tinan 1990 mai leten. Agora dadaun Sr.António mak hola fatin eh substitui fali Sr. Augusto ne'ebé uluk nudar bali nain ba Uma Lulik ne'e nia fatin para bali uma ne'e. Uma Diurpu lokaliza iha Distritu Ainaro, Subdistritu Ainaro, Suco Manutaci no Aldeia IV. Nia fatin uluk besik malu ho uma Lisan Mantilu ne'ebé uluk iha Mupelotui no Maupelohata. Maibe agora sai ona mai iha buat mos ka fatin foun principalmente iha tempo katuas Augosto nian. Ita hare iha imagem ne'e, iha uma ne'e nia kotuk ida kalohan taka ne'e mak foho Ramelau ka Tatamailau. Hori uluk iha okupasaun Portuguesa no Ocupasaun Indonésia nian iha Timor, Uma Diurpu seidauk hetan Sunu ka amesa hosi Ahi. Tanba tuir história beiala sira nian, uma ida ne'e ahi nunka bela han, ka ahi la han. Tuir lian nain no katuas sira nebe hare ho matan, katak iha tempo kolonial português nian iha Timor, uma Mantilu nebe momentu neba hari besik kedan uma Diurpu (Uma tatis sei ba malu) ne'e ahi han tia iha kalan ida, nebe tuir lolos uma Diurpu ne'e mos ahi tenki han hotu, nia logika nune, tanba uma rua ne'e rabat malu kedan. Maibe katuas sira haktuir dehan, sa mak akontese iha momentu neba mak, manu makikit mean (manu lokmea ) ba tur iha uma Diurpu nia kakuluk ne'e i kuando ahi lakan ne'e baku ba uma Diurpu nia leten, manu makikit ne'e loke liras dala ida, ahi lakan baku fali ba parte seluk. Ho nune'e ahi han uma Mantilu ne'e to romata, maibe uma Diurpu ne'e ahi la han. I manu makikit ne'e tur iha uma ne'e nia kakuluk to ahi lakan hotu ka mate. Iha kolonial indonésia nian, ahi nunka han uma ne'e. Milisia sira tama to'o iha bairro neba i sunu uma Builiuh nebe iha kraik mai maibe la sunu uma Diurpu, milisia sira liu kona dalan ninin deit i neon la kona ka la hanoin at ba Uma ne'e. Além de ne'e, katuas assasinio ka oho dor no katuas seluk nebe ema iha suku laran konsidera katak lia-nain iha suko ne'e fo sasin katak uma Diurpu ne'e iha nia karakter da unika i ema ne'ebé hanoin a'at nunka bele hakat to'o uma ne'e nia sorin, tanba sei la hetan dalan atu tama ba uma ne'e. Iha tempo indonésia nian, iha momento nebé ami hotu sei kik, kuando kalan ka loron mak bapa sira atu tama ba ou falintil sira lao besik iha uma ne'e, ita iha uma laran hatene kedan ona tanba iha manu (ho froma manu fuik hanesan andorinha bot) ida nebe'e hanesan manu makikit kik ne'e semo haleu uma laran ne'e i fó alerta ba ita. Iha ne'e ita nebe toba iha uma laran sei la dukur tanba manu ne'e nia liras sempre baku ita no baku buat kroat nebe ita iha. Uma ne'e uluk iha Maupelohata hansa dehan tia ona. Sai fali mai iha nia fatin foun, hari'i desde 1976 no'o troka lolos iha 1998. Hafoin ta'a fali ai foun no prepara material foun pois hari'i fali iha 1998 to agora 2014. Nia kondisaun diak nafatin hansa ita hare iha retrato ne'e, nia varanda luan liu uluk nian. No Nia sempre nakloke ba ema hotu nebe hakarak ba visita Nia. By Paulo S. Martins (qno.tls@gmail.com)